ӘШЕКЕЙ БҰЙЫМДАР – ҰЛТТЫҚ БОЛМЫСТЫҢ ЖАҚҰТЫ

Қазақ халқының зергерлік өнері ұлттың мәдениетімен астасып жатыр. Халқымыздың салт-дәстүрінде, ырым-тиымында, тіпті, әшекей бұйымдарында да үлкен тәрбиелік мән бар. Ұлтымыз ұрпақ тәрбиесіне о бастан ерекше ден қойған. Қыздарына күмістен сырға, шолпы мен шашбау тағып, әшекей бұйымдармен әдемілігін айшықтай түскен. Жалпы нәзік жандар үшін әшекейсіз жүру «төрт құбыласы тең» еместей көрінген. Сондықтан да әшекей бұйымдар ұлттық киімнің ажырамас бөлігі ретінде саналған.

"Қолөнер" үйірмесінің қыз балаларымен әріптес қыз-келіншектердің арасында ұлттық әшекейлердің қыр-сыры туралы әңгіме өрбіп, ұлттық бұйымдарды насихаттау мақсатында тәлім сағаты өткізілді.