Конституция тарихы
Конституция – әрбір мемлекеттің ең басты заңы. Тәуелсіз Қазақстанның ең алғашқы Конституциясы 1993 жылы 28 қаңтарда қабылданған болатын. Алайда ол ескі әкімшіл-әміршіл ережелерге сүйенгендіктен, қоғам талабына сай келмеді. Сол себепті араға екі жыл салып, 1995 жылы 30 тамызда жалпыхалықтық референдум негізінде елімізде жаңа Конституция қабылданды.
Тұңғыш президенттің бастамасымен құрылған сарапшылар әлем елдерінің Конституцияларын мұқият сараптап, зерделеп шықты. Ресми мәліметтерге сүйенсек, құжатты талқылауға 3 миллионнан астам адам қатысқан.
Айта кетері, Қазақстанның Ата заңы әлемдегі ең жас Конституциялардың бірі саналады.
Қазақстан Конституциясы қалай өзгерді?!
28 жылда Ата заңға алты рет өзгеріс енгізілген: 1998, 2007, 2011, 2017, 2019 және 2022 жылдары.
Құрметті әріптестер, ата-аналар,қымбатты достар!
Сіздерді мемлекеттік мереке – Қазақстан Республикасының Конституциясы Күнімен құттықтаймыз! Сіздерге ашық аспан, бейбітшілік пен тұрақтылық, әр шаңыраққа бақыт пен амандық тілейміз!
Т/б:Байғанин аудандық шығармашылық орталығы