АЛАЯҚТАРДЫҢ АРБАУЫНА ТҮСІП ҚАЛМАҢЫЗ!

Ата-аналар мен үйірме оқушыларына "АЛАЯҚТАРДЫҢ АРБАУЫНА ТҮСІП ҚАЛМАҢЫЗ!" тақырыбында түсіндіру жұмыстары жүргізіліп, интернет, телефон алаяқтарының қармағына түсіп қалмау, оның алдын алудың белгілері туралы айтылды.

✔️Бүгінгі таңда алаяқтықтың ең кең таралып жатқан қауіпті түрі – ол интернет желісі арқылы жасалатын алаяқтық.
Интернет желісіндегі алаяқтар өз қылмыстық ойын жүзеге асыру үшін әлеуметтік желілерді кең пайдаланып отыр.
Алаяқтардың арбауына кез келген адам түсіп қалуы ықтимал, себебі интернет байланыстың ар жағындағы адамның ақ-қарасын ажырату қиын.
Күннен күнге интернеттің мүмкіндігі артқан сайын, алаяқтардыңда әдіс-тәсілдері жаңарып өзгеруде.
Интернет пайдаланушысын алдау арқылы оңай жолмен ақшалы болудың ең көп таралған орны барлығының пайдалануындағы Instagram, Telegram, WhatsApp, әлеуметтік желілері және OLX.kz, Kolesa жарнама сервистері болып отыр.
📍Сақ болыңыз!