Ақтөбе облыстық әдістемелік орталығының ұйымдастыруымен информатика пәні бойынша ассоциация жоспарына сәйкес «Заманауи маманның цифрлық мәдениетін қалыптастыру ерекшеліктері» тақырыбында облыстық онлайн семинар-практикум өткізілді.
🔶 Семинар барысында, Қ.Мұханбетқалиұлы атындағы орта мектеп-гимназиясының информатика пәні мұғалімдері Ж.Тулеугарин, қазіргі заманға сай Python бағдарламалау тілін меңгеруде Stepik платформасының артықшылығын және қазақ тіліндегі интерактивті сабақ топтамасымен таныстырып, білім алушылармен ортақ жұмыс жасау мүмкіндіктерін айтып, шеберлік сабағын жүргізді. Және М.Избасаров әлеуметтік желіде контент жасау мүмкіндіктеріне, қолданылатын түрлі бағдарламаларға тоқталып өтті. Әрқашан жаныңыздан табылатын смартфон арқылы креативті әрі сапалы фото, бейне түсірілім жасау мүмкіндігі жайлы сөз қозғап, қатысушылардың қызығушылығын туғызды.
🔰 Әрі қарай бағдарламаға сәйкес, Орталығымыздың "Робототехника" үйірмесінің жетекшісі А.Жалғасбаева «STEM технологиясының робототехника саласындағы тиімділігі» тақырыбында жас ерекшеліктерін ескере отырып SPIKE PRIME, EV3 жиынтығынан түрлі прототип құруға болатындығын атап көрсетті және де оқушылардың карусель мен «жеті лақ» ертегі жобалары таныстырылды.
♻️ Қатысушылармен ашық диалогтық алаң құрылып өзара пікір алмасу, кері байланыс жасалды.
📌 Облысымыздың информатика пәні мұғалімдеріне қолдау көрсету мақсатында ұйымдастырылған шарада өз біліміндерін жетілдіріп, практикада қолдануға болатын құнды тәжірибе жинақтады.