Кеңеске білім саласының ардагер ұстаздары, мектеп директорлары, мектепке дейінгі білім беру мекемелерінің меңгерушілері, педагогтер, тәрбиешілер, сонымен қатар аудандық әлеуметтік саланың бөлім басшылары қатысты. Шарада тақырыпқа сай көрме ұйымдастырылып, оқушылар өздерінің жасаған жобалары, мектеп мұғалімдері жасанды интеллект бойынша бағдарламалармен жұмыс жасау тәсілдері, кітапхана, балабақшадағы жаңа жобалар таныстырылды.

Кеңестің негізгі бөлімінде аудан әкімі Айбек Көпенов құттықтау сөз сөйлеп, ауданның білім саласындағы өзгерістеріне тоқталып, алдағы уақытқа өзекті мәселелер бойынша тапсырма берді. Ақтөбе облыстық білім басқармасы басшысының орынбасары Артур Ауезов Байғанин ауданындағы мектептердің материалдық жабдықталуына тоқталып, алдағы жоспарлармен бөлісті. Кеңес модераторы-білім бөлімінің басшысы Мұрат Дабысов ауданның білім саласындағы жаңалықтар мен жетістіктеріне тоқталды. Сондай-ақ, ардагер ұстаз еңбек жолы жайында сөз етсе, жас буын тірек мектебі мен магнитті мектептің нәтижелі ынтымақтыстығын және Starlink интернет жылдамдығының оқу процесіне жаңа технологияны қолданудағы тигізген оң әсері жайында баяндады. Сонымен қатар, балабақша меңгерушісі мектепке дейінгі ұйымдарда жаңа замандық технологияланы пайдалану туралы өз іс-тәжірибесімен бөлісті.

"Робототехника" үйірмесінің оқушылары және жетекшісі А.Жалғасбаева "Robo Arqan Tartys" сайысынан көрме көрсетіп, өз тәжірибелерімен бөлісті.